Нислэгийн цаг уурын төв

TAF METAR

Нисэх буудал орчмын бодит болон урьдчилсан мэдээ

Чиглэлийн урьдчилсан мэдээ

Нислэгийн замын дагуух цаг агаарын урьдчилсан мэдээ

Радар

Монгол орны төв бүс нутгийн допплерийн радарын үүлний мэдээ

Автомат станцын мэдээ

Цаг уурын автомат станцын бодит ажиглалтын мэдээ

Хиймэл дагуулын мэдээ

“HimawariCast” цаг уурын байран хиймэл дагуулын үүлний мэдээ

МОНГОЛ ОРНЫ 2020 ОНЫ XI САРААС 2021 ОНЫ I САРЫН ТӨЛӨВ

Уур амьсгалын дунджаар агаарын сарын дундаж температур XI сард Алтай, Хангай, Хөвсгөл, Хэнтийн уулархаг нутгаар -13...-20°C, говь-цөлийн бүс нутгаар -1...-7°C, бусад нутгаар -8...-13°C хүйтэн байдаг бол XII сард Хангай, Хөвсгөл, Хэнтийн уулархаг нутаг болон томоохон гол, нуурын сав газраар –20...–24°C хүйтэн, харин говь-цөлийн бүс нутгаар -15...-12°C, бусад нутгаар -14...-24°C хүйтэн байдаг. Харин I сарын дундаж температур -21.2°C байдаг боловч өндөр уулархаг болон томоохон гол, нуурын сав газраар –30°C градус хүйтэн, говь-цөлийн бүс нутгаар -17°C градус хүйтэн байдаг. Дэлгэрэнгүй

АГААРЫН ТЭЭВЭРЛЭГЧ БОЛОН НИСЭХ БУУДЛУУДАД

Шилжилтийн улирлын цаг агаарын онцлог: Шилжилтийн улиралд өндрийн фронтын бүсийн шилжилттэй холбоотой манай орны цаг агаарын нөхцөл эрс хувьсамтгай байдгаас агаарын хөлгийн нислэгт нөлөөлөх ихээхэн хэмжээний газар нутгийг хамарсан нойтон цас орох, алсын барааны харагдац муудах, дунд зэргийн болон хүчтэй сэгсрэлт, мөстөлт, цочир хүйтрэл үүсэх зэрэг цаг агаарын үзэгдэл үүсэх магадлал өндөр байдаг. Дэлгэрэнгүй

"Буянт-Ухаа", "Чингис Хаан" олон улсын нисэх буудал орчмын 2020.11.23-2020.11.30 хүртэлх 7 хоногийн цаг агаарын мэдээний урьдчилсан төлөв

“Буянт-Ухаа” аэродромын нислэгийн хөдөлгөөний удирдлага:

Үзэгдэл: 24, 25 -нд үүлэрхэг, 26-нд үүл багасна. 24-нд цас орно. 25-26-нд бага зэргийн цас бударна. Бусад хугацаанд солигдмол үүлтэй, цас орохгүй. Утаатай.

Салхи: 24, 26-нд баруун хойноос 4-7м/с, бусад хугацаанд тогтворгүй чиглэлийн 1-4м/с.

Температур: 23, 24, 25-нд шөнөдөө 24-26 градус, өдөртөө 8-10 градус, 26-наас хүйтэрч шөнөдөө 28-30 градус, өдөртөө 14-16 градус хүйтэн байна.

Аэродромын болон Ойртолтын нислэг хөдөлгөөний удирдлага: /газрын гадаргаас-6000м хүртэл өндөрт/

25-нд Алтай, Баянхонгор, Доной, Чойбалсан нисэх буудлуудад дунд хүчтэй сэгсрэлт ажиглагдана. 24, 25, 26-нд Дэглий цагаан, Доной, Тосонцэнгэл, Мөрөн, Булган, Чингис хаан, Буянт-Ухаа нисэх буудлуудад үүл хур тунадасны бүсэд сул хүчтэй мөстөлт ажиглагдана.

Бүсийн нислэгийн хөдөлгөөний удирдлага: /6000-12000м/

Нислэгт аюултай цаг агаарын үзэгдэл: 24-нд Дорнод, 25-нд Алтай, Баян, Дорнод, 26-нд Дорнод, Говь, 27-нд Төв, Дорнод, Говь, 28, 29-нд Дорнод секторт дунд хүчтэй сэгсрэлт ажиглагдана.

“Чингис хаан” аэродромын нислэгийн хөдөлгөөний удирдлага:

Үзэгдэл: 24, 25-нд үүлэрхэг, 26-нд үүл багасна. 24-нд цас орно. 25, 26-нд бага зэргийн цас бударна. Бусад хугацаанд солигдмол үүлтэй, цас орохгүй.

Салхи: 24, 26-нд баруун хойноос 6-9м/с, бусад хугацаанд тогтворгүй чиглэлийн 1-4м/с.

Температур: 23, 24, 25-нд шөнөдөө 24-26 градус, өдөртөө 8-10 градус, 26-наас хүйтэрч шөнөдөө 28-30 градус, өдөртөө 14-16 градус хүйтэн байна.

Орон нутгийн нисэх буудал орчмын 7 хоногийн төлөв харах

2020.11.23-2020.11.30 хүртэлх 7 хоногийн цаг агаарын урьдчилсан төлөв.

/ Хугацааны эхээр нутгийн төв хэсгээр цас орж, 26-наас нийт нутгаар хүйтний эрч эргэн чангарна/

Хур тунадас: 24-нд баруун аймгуудын нутгийн хойд, төвийн аймгуудын нутгийн зарим газар, зүүн аймгуудын нутгийн өмнөд хэсгээр, 25-нд баруун болон төвийн аймгуудын нутгийн зарим газар, говийн аймгуудын нутгийн хойд хэсгээр, 26-нд говийн аймгуудын нутгийн зүүн хэсгээр цас, 27-нд баруун аймгуудын нутгийн хойд болон өмнөд хэсгээр, 28-нд говийн аймгуудын нутгийн өмнөд хэсгээр, 29-нд баруун аймгуудын нутгийн зарим газраар ялимгүй цас орно.

Салхи: Ихэнх хугацаанд 5-10 м/с байна.

Агаарын температур: 24, 25-нд Завхан голын эх, Дархадын хотгор, Хүрэнбэлчир орчмоор шөнөдөө 25-30 градус, өдөртөө 16-21 градус, Алтай, Хангай, Хөвсгөл, Хэнтэйн уулархаг нутаг, Идэр, Тэс, Хараа, Ерөө, Туул, Тэрэлж голын хөндийгөөр шөнөдөө 19-24 градус, өдөртөө 9-14 градус, бусад нутгаар шөнөдөө 13-18 градус, өдөртөө 2-7 градус хүйтэн, бусад хугацаанд Завхан голын эх, Дархадын хотгор, Хүрэнбэлчир орчим, Идэр голын хөндийгөөр шөнөдөө 29-34 градус, өдөртөө 19-24 градус, Алтай, Хангай, Хөвсгөл, Хэнтэйн уулархаг нутаг, Тэс, Хараа, Ерөө, Туул, Тэрэлж голын хөндийгөөр шөнөдөө 23-28 градус, өдөртөө 12-17 градус, бусад нутгаар шөнөдөө 17-22 градус, өдөртөө 7-12 градус хүйтэн, ихэнх хугацаанд говийн бүс нутгийн цас багатай хэсгээр шөнөдөө 10-15 градус, өдөртөө 1-6 градус хүйтэн байх төлөвтэй байна.

2020.11.16-ны 08 цагаас 2020.11.23-ны 08 цаг хүртэлх 7 хоногийн цаг агаарын тойм

Тунадас: Өнгөрсөн 7 хоногт ихэнх нутгаар 0.0-14.3 цас орсноос 17-нд Говь-Алтай, Баянхонгорын аймгийн ихэнх нутгаар, 18-нд Сүхбаатарын ихэнх нутаг, Дорноговийн зүүн хэсгээр 8.0-14.3 мм орлоо. Үүнээс нийлбэр тунадасны хэмжээгээр хамгийн их нь Сүхбаатарын Эрдэнэцагаанд 14.3 мм, Дорноговийн Замын-Үүдэд 10.8 мм цас орсон байна.

Цасны зузаан: Өнөө өглөөний 08 цагийн цаг уурын өртөө, харуулын талбайн хэмжилтээр Завхан, Архангай, Өвөрхангай, Төв, Сэлэнгэ, Хэнтий, Сүхбаатар, Дорноговийн ихэнх нутаг, Баян-Өлгийн баруун, Увс, Ховд, Говь-Алтайн зүүн, Баянхонгор, Хөвсгөл, Булган, Дундговь, Өмнөговь, Дорнодын зарим газраар 1-14.0 см зузаан цасан бүрхүүлтэй байна. Үүнээс хамгийн их нь Баянхонгорын Байдраг, Галуутад 14 см, Сүхбаатарын Эрдэнэцагаанд 13 см, Говь-Алтайн Эрдэнэ, Сүхбаатарын Асгатад 10 см, бусад хэсгээр 1-9 см зузаан цасан бүрхүүлтэй байна.

Агаарын хамгийн их температур: Хугацааны эхээр ихэнх нутгаар дулаахан хугацааны сүүлчээр хүйтэрч Дархадын хотгор, Завхан голын эх, Идэр голын хөндий, Хүрэнбэлчир орчмоор -18...-26 градус, Алтай, Хангай, Хөвсгөлийн уулархаг нутаг, Туул, Тэрэлж голын хөндийгөөр -14...-18 градус, Хангайн нурууны өвөр бэл болон говийн бүс нутийн өмнөд хэсгээр -5....-10 градус, бусад нутгаар -10...-14 градус байв.

Агаарын хамгийн бага температур: Хугацааны сүүлчээр ихэнх нутгаар 10-18 градусаар хүйтэрч, Дархадын хотгор, Завхан голын эх, Идэр голын хөндий, Хүрэнбэлчир орчмоор -28...-37 градус, Алтай, Хангай, Хөвсгөлийн уулархаг нутаг, Туул, Тэрэлж, Хэрлэн голын хөндийгөөр -25...-28 градус, Хангайн нурууны өвөр бэл болон говийн бүс нутгаар -14....-18 градус, бусад нутгаар -18...-25 градус байв. Хамгийн хүйтэн нь 21-ний шөнө  Завханы Отгонд -37 градус хүрч хүйтэрсэн байна.

Cалхи: Ихэнх хугацаанд секундэд 5-10 метр, 17-нд нутгийн өмнөд хэсгээр, 18-нд говь, тал, хээрийн нутгаар зарим үед секундэд 12-16 метр хүрч ширүүссэн байна.

Улаанбаатар хот орчмоор: Өнгөрсөн долоо хоногийн 17-18-нд 1.0-2.4 мм цас орлоо. Салхи ихэнх хугацаанд секундэд 4-9 метр, 18-нд зарим үед секундэд 12-14 метр хүрч ширүүсч зөөлөн цасан шуурга шуурсан байна. Хугацааны сүүлчээр хүйтэрч шөнөдөө Яармаг-Сонгины орчмоор -24...-29 градус, бусад хэсгээр -18...-21 градус, өдөртөө -10...-14 градус  байв.

Буянт-Ухаа орчмоор: Ихэнх хугацаанд үүлэрхэг. Салхи: Ихэнх хугацаанд 3-8м/с, түр зуур 10-15м/с хүрч өрөвхийлсөн байна. Салхины хамгийн их утга XI/19-нд 13015м/с. Үзэгдэл: XI/16,17-нд хяруу XI/16,22-нд утаа XI/18,19,20-нд цас XI/19-нд орон шуурга ажигласан. Агаарын температурын хамгийн их утга: 11 сарын 16-нд 2.2 градус дулаан Агаарын температурын хамгийн бага утга: XI/22-нд -28.6  градус хүйтэн Хөрсний температурын хамгийн их утга: 11 сарын 17-нд 11.4  градус дулаан Хөрсний температурын хамгийн бага утга: XI/22-нд -29.4 градус хүйтэн байв. Алсын барааны харагдацын бага утга:  XI/19-нд 3000 SN BLSN Нийлбэр тунадасны хэмжээ: 2.4мм Тунадасны хамгийн их хэмжээ:  XI/20-нд 1.6мм цас орсон METAR-ын тоо: 298

ЧАНАРЫН БОДЛОГО

Нислэгт аюулгүй ажиллагаа хангасан цаг уурын үйлчилгээг холбогдох хууль, тогтоомжийн хүрээнд үзүүлж, хэрэглэгчдэд олон улсын чанарын стандартыг хангасан цаг агаарын мэдээ мэдээллээр шуурхай үйлчлэхэд оршино.

Covid-19 Уур амьсгалын өөрчлөлтийг зогсоогоогүй

Судал урсгал