10 хоногийн урьдчилсан төлөв
2026 оны 09 дүгээр сарын 28-наас 10 дугаар сарын 08-ныг хүртэлх
10 хоногийн цаг агаарын урьдчилсан төлөв:
Иргэд, хадланчид, тариаланчдын анхааралд:
29-нд нутгийн зүүн хэсгээр, 10 дугаар сарын 02-нд нутгийн төв хэсгээр хур тунадас орж, шөнөдөө хүйтэн хэвээр байхыг анхааруулж байна.
Хур тунадас: 28-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр, 29-нд төв болон зүүн аймгуудын нутгийн хойд хэсгээр, 30-нд зүүн аймгуудын нутгийн зүүн хэсгээр, 10 дугаар сарын 01-нд Увс нуурын хотгор болон Хөвсгөлийн уулархаг нутгаар, 02-нд төвийн аймгуудын нутгийн зарим газар, говийн аймгуудын нутгийн зүүн хойд, зүүн аймгуудын нутгийн өмнөд хэсгээр, 03-нд зүүн аймгуудын нутгийн өмнөд хэсгээр, 06-нд Алтайн уулархаг нутгаар, 07-нд Алтай, Хангай, Хөвсгөлийн уулархаг нутгаар бороо, нойтон цас орно.
Салхи: 28-нд ихэнх нутгаар, 29 болон 10 дугаар сарын 02-нд говь, тал, хээрийн нутгаар секундэд 15-17 метр хүрч ширүүснэ.
Агаарын температур: 28, 29-н болон 10 дугаар сарын 02-нд нийт нутгаар хүйтэн байх боловч бусад хугацаанд өдөртөө бага зэрэг дулаарч Алтай, Хангай, Хөвсгөл, Хэнтийн уулархаг нутаг, Дархадын хотгор, Завхан, Заг, Байдраг, Идэр, Тэс, Туул, Тэрэлж голын хөндийгөөр шөнөдөө -7…-12 градус хүйтэн, өдөртөө +2…+7 градус, говийн бүс нутгийн өмнөд шөнөдөө +3…+8 градус, өдөртөө +12…+17 градус дулаан, бусад нутгаар шөнөдөө 0…-5 градус хүйтэн, өдөртөө +5…+10 градус дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 28, 29 болон 10 дугаар сарын 02-нд ялимгүй хур тунадас орно. Бусад хугацаанд хур тунадас орохгүй.
Салхи: Ихэнх хугацаанд секундэд 5-10 метр.
Агаарын температур: 28, 29-н болон 10 дугаар сарын 02-нд хүйтэн байх боловч бусад хугацаанд өдөртөө бага зэрэг дулаарч шөнөдөө 0…+5 градус, Яармаг-Сонгиноны орчмоор -3…-8 градус, өдөртөө +5…+10 градус дулаан байна.
ЦУОШГазар
Урьдчилан Мэдээлэх Хэлтэс