2022 оны 11 дүгээр сарын 21-ний 08 цагаас 2022 оны 11 дүгээр сарын 28-ны

08 цаг хүртэлх 7 хоногийн цаг агаарын тойм

Цасны зузаан: Өнөө өглөөний цаг уурын станц, харуулын цасны зузааны мэдээгээр Баян-Өлгий, Ховдын өмнөд, Увс, Баянхонгор, Өмнөговь, Дундговийн хойд, Говь-Алтай, Дорноговийн зарим газар, Завхан, Хөвсгөл, Архангай, Булган, Сэлэнгэ, Төв, Хэнтий, Дорнод, Сүхбаатарын ихэнх нутгаар 0.0-34.0 см зузаан цасан бүрхүүл тогтсон байна. Үүнээс хамгийн их нь Багануурт 34.0 см, Увсын Давст, Төв аймгийн Эдэнэд 22.0 см, Ховдын Үенчэд 21.0 см, Ховдын Алтай, Булганд 19.0, Баян-Өлгийн Булган, Увсын Малчин, Хөвсгөлийн Цагаан-Үүр, Хэнтийн Цэнхэрмандал, Гурванбаян, Жаргалтхаан, Төв аймгийн Мөнгөнморьт, Тэрэлжид 15.0-17.0 см, бусад нутгаар 1-14.0 см цасан бүрхүүл тогтсон байна.

 

Хур тунадас: 21, 22, 23-нд Монгол-Алтай, Хангай, Хөвсгөлийн уулархаг нутгаар, 24-нд баруун, төвийн аймгуудын нутгийн зарим газар, говийн аймгуудын нутгийн хойд, зүүн аймгуудын нутгийн зүүн хэсгээр, 25-нд баруун аймгуудын нутгийн баруун өмнөд, говийн аймгуудын нутгийн зүүн хойд, төвийн аймгуудын нутгийн зарим газар, зүүн аймгуудын ихэнх нутгаар, 26-нд баруун, төвийн аймгуудын нутгийн зарим газар, говийн аймгуудын нутгийн зүүн хэсгээр, 27-нд баруун, говийн аймгуудын нутгийн зарим газар, төв, зүүн аймгуудын ихэнх нутгаар, 28-нд төв, говийн аймгуудын нутгийн зарим газар, зүүн аймгуудын ихэнх нутгаар цас орсон байна. Үүнээс 7 хоногийн нийлбэрээр хамгийн их нь Ховдын Булганд 18.0 мм, Баян-Өлгийн Булганд 15.2 мм, Ховдын Алтайд 14.0 мм, Увсын Малчинд 12.6 мм, Ховдын Үенчид 11.8 мм, бусад нутгаар 0.0-9.0 мм орсон байна.

Агаарын хамгийн их температур: Хугацааны эхээр ихэнх нутгаар дулаан байсан боловч хугацааны сүүлчээр нутгийн баруун хагаст хүйтэрч Увс нуур болон Дархадын хотгор, Хүрэнбэлчир орчим, Завхан, Идэр, Тэс голын хөндийгөөр -20…-29 градус, Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж голын хөндийгөөр -14…-20 градус хүйтэн, говийн бүс нутгийн өмнөд хэсгээр -6 хүйтнээс +2 градус дулаан, бусад нутгаар -7…-14 градус хүйтэн байв.

Салхи: Ихэнх хугацаанд секундэд 7-12 метр, 21, 23, 27-нд Алтайн салбар уулс болон говийн бүс нутгаар, 22, 25-нд Алтайн салбар уулсаар, 24-нд говийн бүс нутгаар зарим үед секундэд 16-18 метр, түр зуур секундэд 28 метр хүрч ширүүссэн байна.

Улаанбаатар хот орчмоор:

Хур тунадас: 24, 25-нд ялимгүй цас, 27, 28-нд 0.6-1.0 мм цас орсон байна.

Агаарын температур: Хугацааны эхээр шөнөдөө Яармаг-Сонгины орчмоор -22…-25 градус, бусад хэсгээр -14…-16 градус, өдөртөө -4…-9 градус, хугацааны сүүлчээр хүйтэрч шөнөдөө Яармаг-Сонгины орчмоор -25…-30 градус, бусад хэсгээр -19…-27 градус хүйтэн, өдөртөө -13…-17 градус хүйтэн байв.

Салхи: Ихэнх хугацаанд секундэд 5-10 метр.